روآيـة دلع بنـآت خياااال

بسم الله الرحمن الرحيم
رواية(دلع النات)
للكاتبة/قمر14
بمساعدة/نووونه

عائلة عبد العزيز(أبو ريم):عمره 40 سنه يحب بناته كثير.
الام فاطمة:عهرها 35سنة شديدة بعض الاحيان على بناتها.
ريم:اكبر وحدة عمرها29سنة جبارة كلمتها ماشية في البيت والى الان مانكتب لها نصيب.
رهف:عمرها 22سنة تدرس في الجامعة سنة ثالث تخصص تغذية...انطوائية ما تحب تطلع من البيت كثير..جذابة واطول وحدة في خواتها.
منى:عمرها 21سنة تخصصها هندسة ديكور...حلوة ملامحها مختلفة تماما عن ملامح خواتها...ماتحب حركات المغازلة.
روان:عمرها 19سنة آخر سنة لها بالثانوية وهي جدا مقربة لخواتها غادة وعبير لانها فرفوشة زيهم وتحب الخرجة كثير.
غادة وعبير:أخوات توأم غادة عمرها 18 سنة وعبير 18سنة ودقيقة(هههههههههه)يشبهون بعض الفرق بينهم عبير شعرها طويل وغاده شعرها قصير.
ترف:عمرها 16سنة مرجوووجة اهم شي عندها المظهر الخارجي.
بداية القصة..........
دق الجرس وقامت عبير تناقز تبغى تعرف مين اللي جاء..طلعت الخدامة من المطبخ تبغى تفتح الباب جاء صوت من وراها وكانت عبير قالتلها:لا انا بفتح الباب خلاص روحي...هزت الخدامة راسها ورجعت المطبخ...راحت عبير تفتح الباب وتفاجأت لمن شافت محمد ولد عمها على الباب...عبير وبكل هدوء:اهلين محمد تفضل البيت بيتك..
محمد وهو يطالع فيها من فوق لتحت:مشكورة...عبير استحت من نظراته وصار وجهها احمر لانها كانت لابسه شورت فوق الركبة لونه فوشي وتوب ليموني....لاحظت انها بالمدخل لحالها وانتبهت لمحمد اللي دخل الصالة...راحت اخذت الانتر فون ودقت على غرفة امها ردت امها وقالتلها مامي بليز قولي لبابا انه محمد ولد عمي يبيه تحت قالتلها:طيب خلي موكاتي(الخدامة)تجهز القهوة...راحت للمطبخ وقالت لموكاتي جهزي القهوة وجيبيها الصالة....طلعت على طووول فوق لانها استحت من نظرات محمد لها...محمد استغرب انه هو الوحيد اللي بالصالة ماجاه احد فجأة....سمع صوت من الدرج يقوله:حياك تو مانور البيت...قام محمد وسلم على عمه وقاله:منور بوجودكم...لحظات سكووت بين الطرفين ودخلت موكاتي بالقهوة وهي تقول:تفدل(تفضل هههه) بابا....محمد صار يضحك على منظرها وقام صب لعمه قهوة ورجع مكانه وقال:ياعمي عندي موضوع بس ماقلت لابوي لانه متعصب واكيد بيزعل مني....ابو ريم قال في نفسه غريبة ايش الموضوع اللي بيقوله لي وما قاله لابوه..وقال:تفضل يابوك انا اسمعك....ارتاح محمد من ردة فعل عمه وبدأ في الموضوع على طووول وقال:ياعمي انا رسبت في مادة وخايف اقول لابوي ويزعل مني وابيك تقوله اذا ماعليك امر
ابوريم:ابشر انا بساعدك وان شاء الله مايزعل منك....هنا ارتاح محمد واتاكد انه عمه بساعده فاستأذن من عمه وطلع من البيت.

عبير كانت بالغرفة تفكر وجاها صوت شتت الافكار من راسها.... وقالت روان بحدة:عبووور ليش ماقلتيلي انه محمد كان موجود؟؟؟
عبير بدون نفس:ماكان لي نفس اروح لغرفتك مشوااااار....هنا روان ارتفع ضغطها وطلعت من اغرفة وهبدت بالباب وراها.

في مكان اخر من هذا المنزل كانت في بنت مندمجة مع فيلم على mbc2قاعدة تبكي متأثرة بالفيلم وتاكل بوب كورن(فشار)دق جوالها وكانت صديقتها جنى هي المتصلة....ردت غادة بسرعة عليها تبي تلحق على الفيلم ومن حسن حظها كانت فيه دعاية فسمح لها انها ترد....غادة وهي ترد بسرعة:هلا جنى كيفك؟؟...جنى:تماام الحمدلله انتي كيفك؟؟...غادة وهي تناظر التلفزيون خايفة الفيلم يبدأ فقالت:تماام بغيتي شي لاني قاعدة اطالع الفيلم.....جنى:أي انا بعد بكرة مسوية حفلة بالبيت عشان بنت خالتي ريوف وابيك تجين انتي وخواتك....غادة:ان شاء الله بس اكلم مامي واردلك....جنى:حبيبتي غدوو تبين شي عشان انا بقفل....ردت غادو بسرعة لانه الفيلم بدأ:لاتسلمين مع السلامة...وقفلت بدون ماتسمع رد جنى ورجعت تطالع بالفيلم....جاها صوووت وهي عرفته وقالتلها ريم:انتي ماطفشتي من هالافلام....غادة:لا ولو سمحتي لاتشوشين علي..هنا ارتفع ضغط ريم من رد اختها لها وراحت وهي معصبة.

دق جوالها وهي كانت بالحمام تاخذ لها(شاور)سريع لأنها كانت تلعب بالحديق مع قطوتها وطلعت ترف بسرعة تبي تلحق ترد وتفاجأت.....لمن شافت اسم المتصل؟

تتوقعون مين اللي دق على ترف؟؟؟
وكيف بتكون ردة فعل أبو محمد لمن يعرف؟؟؟
انتظر ردودكم

البــــــــــــــــ2ــــــــــارت
حس بدوخه براسه من كثر الأوراق اللي قدامه....دخل السكرتير عليه وقال:أجيب لك بندووول استاذ تركي؟؟
تركي:لا مشكور أصلا انا الحين رايح البيت واي مواعيد إلغيها لي.
السكرتير(احمد):إن شاء الله.
أخذ الجاكيت حقه من على الكرسي وطلع برى المكتب متوجه للسيارة.

في يوووم جديد وبعد خروج الشمس وزقزقت العصافير ........نزل من الدرج وهو لابس الثوب لحقته فاطمه(ام ريم)وقالت:بتتأخر عشان الغداء؟؟
أبو ريم:أظن اني بتغذا عند اخوي ابو تركي..
فاطمة:يعني مانستناك ع الغداء؟
أبو ريم:لا إتغدوا انتم ولا تنتظروني.
فاطمة:في امان الله.
طلع من البيت ولقاء محمد يستناه بالسيارة ركب وقال:كيفك ياولدي(على فكرة أبو ريم يعتبر محمد ولده لانه ماعنده اولاد)


عايلة أماني(صديقة عبير)

سعد(ابو سلطان):45سنة
منيرة(ام سلطان):40سنة
سلطان:عمره30سنة متزوج بنت عمه ماعنده اولاد وعنده مشاكل مع حرمته ومو متفاهمين.
مشاعل:عمرها 23سنة تشتغل في مستشفى شعرها إلى نص ظهرها عيونها رماديه وجسمها رشيق.
اماني(صديقة عبير):عمرها 18سنة شعرها قصير سمرة شوي طويلة وجسمها حلو.
سلمان:عمره5سنوات دلوع البيت وهو اخر العنقود.

قاعدة تحط لمسات خفيفة من الميك اب وقفت واتجهت للدولاب محتارة ايش تلبس طلعت لبسين الاول جيينز وتي شيرت اورنج والثاني هاي نيك اسود ونفس الشي جيينز...طق الباب مشاعل:تفضل...دخلت أماني وشافت اختها محتارة ايش تلبس...مشاعل:امووووووووون ايش احلى؟؟....اماني ردت بعد تامل في اللبسين قالت:البسي الهاي نيك الاسود....مشاعل وبدون تردد سمعت راي اختها ولبسته واخذت اللاب كوت (البالطو)وخرجت من الغرفة متجهه للسيارة.

راحت ترف عند غادة اللي كانت بالصالة وقالتلها:نسيت أقول لك انه امس دق علي تركي ولد عمي وانا بصراحة استغربت وقال لي:ان اليووم معزومين على العشاء في مطعم water lemon.....غادة:ياااااي خلاص انا بقوم البس....ترف:تو الناس حتى الليل ماجاء هو قال لي بعد صلاة العشا نكون جاهزين.....غادة:لو سمحتي لاتقولين لريم عشان ماتسوي لنا سالفة....ترف:عارفة أصلا ولا افكر اقول لها....وراحت ترف قالت لاخواتها عشان يتجهزون ماعدا رهف اللي رفضت انها تروح معهم.


بيت عبد الرحمن(ابو تركي):عمره 44 سنة متعصب جدا ونفس الوقت قلبه طيب.
أمهم نورة ماتت من قبل 5سنوات
تركي:اكبر اولاده عمره 24سنة يحب بنات عمه كثير وخصوصا ترف لانها اصغر وحده.
محمد:عمره 22سنة يحب الوناسة واجمل واحد بين اخوانه وهو بالجامعه تخصص هندسة.
مها:عمرها 12 سنة تحب تقعد مع صديقاتها كثير.


وصل محمد وعمه للبيت لقي ابوه بالصالة يشرب شاي وطلع محمد على الغرفة وقعد أبو ريم مع اخوه يسولف....أبو ريم:أنت تدري ياخوي انه الدراسة بالجامعة صارت سهلة يعني الواحد اذا رسب يحمل المادة معاه....أبو تركي:وانا اخوك كانك قاعد تلمح على حاجة....أبو ريم:بصراحة اي ولدك محمد رسب في ماده بس لاتتضايق وانا اخوك.....أبو تركي وبكل برود:أصلا انا عارف هذا الولد مافي منه فايدة......استغرب ابو ريم من ردة فعل اخوه وحمد ربه انه ماعصب..

هل ام ريم بتوافق على روحة البنات عند جنى وايش راح يصادفهم؟؟
وايش راح يصير لهم اذا راحو مع تركي يتعشون؟؟؟

البــــــــــــــــــ3ــــــــــــــــارت
طلعت منى من غرفتها ركض على غرفة روان ودخلت بدون ماتدق الباب..
منى:روان وش رايك في لبسي؟؟
روان:تهبلين ماشاء الله...وانا محتارة وش البس؟؟
منى:انا شفت عليك لبس جيينز وتي شيرت بنفسجي حلو البسيه...
روان:اي عرفته خلاص بلبسه..


تركي اتجهز وتعطر وطلع لغرفة اخته مها طق الباب وسمع الرد منها وقال:اذا خلصتي انزلي انا تحت بالسيارة...
مها:ان شاء الله..
ونزلت تحت لقته بالسيارة وركبت ومشيت السيارة..
وصلوا بيت عمهم ودخلوا ولقوا البنات بالصالة متجهزين وقاعدي ينتظرونه طاحت عينه على منى وانبهر بشكلها لانها كانت لابسه تنورة فوق الركبة بشوي وبلوزة سماوي....وشاف عبير اللي كانت لابسه برمودا جيينز وتوب نيلي....ونزلت ترف بسرعة من الدرج وانتبه لها تركي وهي لابسه فستان ماسك عليها لحد الركبة لونه اصفر....طلعت غاده من التواليت(الله يكرمكم)وقفت عند التسريحة وتعطرت وحطت غلوس وكحلت عينها ونزلت....طبعا تركي اكثر وحده اعجبته غاده لانها كانت مرة ناعمة....ولابسه بلوزة تفاحي ظهرها مفتوح وفيها سلاسل فضيه وجيينز اسود...تركي قال بنفسه وهو يطالع بكل وحده فيهم:والله وعرفتي تخلفين يافاطمة يابنت عبدالله.....انتبه تركي انهم يناظرون فيه وقالهم:يلا مشينا...وقاموا البنات لبسوا العبي وتحجبوا ماعدا ترف اللي ماتتحجب ومها ماتلبس عبايه..(معلومة:البنات مرة يحبون الكشخه في الخرجات)


في منزل اخر ويبعد عن منزل ابو ريم بشارعين فقط.....كانت سلطانة(صديقة عبير الروح بالرح)تلح على اخوها سطام انه يخرجها ويمشيها......
سلطانة بعد نفاذ الصبر:سطيـــــــــــــــــم والله لو ماتخرجني ياويلك...
سطام يناظر فيها وبدون اهتمام:يعني وش بتسوين؟؟
سلطانة:سطووووووم يلا انت اخوي حبيبي خرجني بلييييييييييز...
سطام:خلاص طيب يلا اجهزي...
سلطانة الدنيا مو شايلتها من الفرحة وركضت للدرج تبي تجيب عبايتها.....
سطام وهو يرفع حاجبه مستغرب من اخته ويقول بنفسه:اللي يشوفها الحين يقول هذي عمرها ماخرجت من البيت مادرى انها 24ساعة خارجة.....قطع افكاره صوتها وهي تقووول:يلا انا جهزت
سطام:يلا مشينا
خرجوا من البيت وسطام يناظر بسلطانة ويقول:انتي ليش ماتغطين؟.؟؟
سلطانة مستغربة:وليش اغطي ان شاء الله اقول امشي وانت ساكت...
عرف ان اخته ما في منها فايدة فتقدمها وركب السيارة وشغلها وفي هذه الاثناء ركبت سلطانة جنبه وهي ساكته
سطام يناظر فيها وقال:على فين ان شاء الله...
سلطانة وهي تدعي التفكير:امممممممممم........قطع عليها صوته وهو يقول:اقول اخلصي اللي يشوفك يقول تخططين كيف تصنعين قنيلة ترانا قلنا بس فين تبين تروحين؟؟؟
سطانة صارت تضحك من رده:هههههههه وربي انك تونس واذا ع المكان بكيفك مكان ماتبي........تحركت السيارة وسطام كان حاط في باله مكان يروحله...



طلعت مشاعل من المستشفى وهي تعبانة وما تشوف الدرب لان اليوم كان عندها مراجعين كثير.......لاحظت السواق ياشر لها وراحت على طوول السيارة واول مادخلت حطت راسها على الكرسي وغمضت عينها وكانت على وشك النوم لولا ان اتصلت اماني عليها وطيرت النوووم من عينها......
مشاعل بدون نفس:هلا اموووون بغيتي شي؟؟؟
اماني لاحظت من صوتها انه فيها شي قالت وهي خايفة:ميشوو وش فيك ليش صوتك متغير؟؟؟
مشاعل:لا سلامتك ياقلبي مافيني شي بس اليوم كان عندي مراجعين كثير....
اماني بارتياح:اوك باااااااااااي
مشاعل:لا على وين وش كنتي تبين لمن اتصلتي؟؟؟
اماني:لا امي قالتلي اتصل عليك لانها كانت خايفة لانك اتاخرتي.......
مشاعل:قولي لها مافيني الا العافية وانا الحين بالسيارة......
اماني:اووووك بااااااااااااااااااااااااااااااااااااااي......
مشاعل:بااااااااااااااااااااي..
قفلت اماني منها وراحت لامها اللي كانت بالمطبخ:مااامي كلمت ميشوو وقالت مافيها الا العافية بس اليوم كان عندها مراجعين كثير..........
منيرة(ام سلطان)بارتياح:الحمدلله.....



وصل تركي والبنات للمطعم ونزلوا والشباب كلهم يطالعون فيهم منبهرين بجمالهم.....حس تركي ان الشباب يناظرون في البنات فخلاهم يمشون قدامه لانه كان خايف عليهم....
تركي بحدة:بنات امشوا قدامي......البنات وبدون مايردون تقدموا وخلوا تركي خلفهم...........دخلوا المطعم وتركي يكلم الجرسون......
تركي:لو سمحت نبي طاولة لـ7 اشخاص....
الجرسون:اي اكيد تفضلوا.....ومشوا خلف الجرسون الى ان وداهم لطاولة بالركن وكان موقعها مناسب......
تركي: شكرا...
الجرسون:ولو نحن بخدمتكم.....هنا ترف خقت على النهايه لمن شافت الجرسون لبناني وشعره ذهبي فقامت تناظر فيه باعجاب واللي مانتبهت له ترف ان الجرسون يناظر فيها ويضحك.....طبعا ترف استحت وصارت خدودها حمرا......انتبهت لتركي وهو يقولها:عاجبتك الوقفة.....التفتت ترف له ولاحظت انها الى الان واقفة وما قعدت وقامت جلست قدام مها وكان ترتيبهم في الجلوس كالتالي:عند الطاقة قاعدة منى وقدامها روان وجنبها مها وقدام مها ترف اللي صارت جنب روان وجنب ترف غادة وقدامها عبير وجنب عبير تركي..................
تركي:اي بنات وش تبون تشربون ولا تاكلون؟؟؟؟
على طووول نقزت عبير وقالت:انا ابي موكا بارد وتشيز كيك وبعدها روان قالت:انا ابي بس كابتشينو ونفس الشي طلبت منى ومها قالت: ابي عصير فراولة وغادة قالت:انا ابي لاتيه وسفليه وترف قالت:ابي ايس كريم........نادا تركي الجرسون وقاله:نبي 3كابتشينو وواحد موكا بارد وواحد عصير فراولة وواحد لاتيه وواحد ايس كريم و3 تشيز كيك و3سفليه..............تاكد تركي من الطلبات وبعدها راح الجرسون وصاروا البنات يسولفون ويضحكون وتركي مابين مستمع ومشارك.....




دخلت هي وسطام وقعدوا بالطاولة وجا الجرسون واخذ منهم الطلبات وراح...............انتبهت سلطانة لشلة البنات وهي تفتكر ياربي اعرفهم وميزت من بينهم غادة وعبير وقامت نطت تبي تسلم عليهم.........سطام يناظر فيها ويقول:سلامااات وش فيك قايمة فين بتروحين؟؟؟
سلطانة:ولا مكان بس بسلم على عبووور وغدو من يوم انتهت المدرسة ماشفتهم..........سطام باستغراب:وينهم ماشوفهم؟؟؟
سلطانة وهي تاشر على مكانهم شوفهم هذولا هم......وراحت على طووول وانتبهت ان في ولد معاهم واستحت منه ورجعت وقعدت مكانها.........سطام:انتي اليوم فيك شي توك تناقزين تبين تسلمين عليهم والحين بعد ماقمتي ترجعين وانتي ماوصلتي عندهم.......
سلطانة:مافيني الا العافية بس انت ماتشوف الولد اللي معاهم فشلة اروح اسلم عليهم وهو قاعد معهم.......



دق جواله وكان المتصل خوويه ماجد ورد على طووول:اهليييييييين مجووود كيفك والله من زمان عنك....\
ماجد:وحدة وحدة خلني الحق اولا هلا فيك ثانيا الحمدلله تمام التمام وثالثا حتى انت يالدب....
محمد وهو يناظر نفسه:حرام عليك انا مو دب الله العالم مين؟؟؟
ماجد وهو يتصنع الاستغراب:وش قصدك ياحميد؟؟؟
محمد:والله اللي على راسه بطحى يحسس عليها هههههههه.....
ماجد:اقول انت مو وجه احد يكلمك....
محمد:اقوووول مجووووووود لاتكون زعلت يلا عااااد.....
ماجد:ههههههههههه شدعوه ازعل منك الا اقول ترانا اليوم بنسهر بالمقهى بتجي ولا لا؟؟؟؟
محمد:لا اكيد بجي خمس دقايق وانا عندكم باااااااااي....
ماجد:مع السلامة......


تتوقعون كيف سلطانة بتسلم على عبير بوجود تركي؟؟؟؟
وهل في مفاجات ثانية ولا لا؟؟؟؟

قراءة ممتعه
x
x
x
x
x
x

وقف السيارة بالمواقف ونزل متجه لباب المقهى دخل وطبعا ترحيب من العاملين فيه لانه محمد معروف في هذا المقهى لمح اخوياه قاعدين في طاولتهم اللي كالعاده راح لهم وقال:السلاام عليكم....ماجد:هلا والله بابو الشباب ماشاء الله عليك ملتزم بالموعد خمس دقايق وانت عندنا.....محمد:اجل كيف اعجبك صح؟؟؟......الشباب صاروا يضحكون ويسولفون واول شي واهم شي عندهم انهم يحشون في الرايح والجاي....قام سليمان(واحد من اخوياه)رايح للحمام(الله يكرمكم)وقفه ماجد:اقول وين رايح؟؟؟......سليمان:الحمام الله يكرمك والحين راد....كملوا الشباب الوناسه والسواليف.....


لمحت سلطانه انه تركي قام من عند البنات وفرحت لانها تقدر تروح تسلم عليهم......سطام:اقول لولو مين هذيك البنت اللي بالوجه ماشاء الله عليها مزيونه.....سلطانه وهي تتخصر:اشوفك قمت تناقز عيونك يمين ويسار......سطام:ياشينك هو سؤال وقمتي ذليتينا فيه قولي واخلصي.....سلطانة:هذي صديقتي عبير اشوفك حطيت العين عليها....سطام:لا مين قال ويلا روحي قبل مايجي الولد اللي معاهم.....طنشته سلطانه واعطته ظهرها وبكل غرور صارت تمشي متججه للبنات اللي اصواتهم كل مالها تعلى وتعلى من الضحك والهبال فجأة جات يد على عينها واستغربت مين هذا الانسان وصارت تمسك يدها تبي تعرف مين بالنهايه طفشت وقالت:ميـــــــــــــــــــــــــــــن؟؟؟......جاه ا صوت من وراها يقول:ماعرفتيني عبور.....عبير قدرت تميز الصوت لانها ماعمرها نسيته وصارت تصارخ وقالت:لـــــــــولـــــــــــو.......شالت سلطاه يدها من عيون عبير وهي تصرخ وقامت ضمتها.....في هذي الاثناء جا تركي مستغرب ويقول بنفسه:ياربي مين هالبنت؟؟؟.......عبير وهي تضم سلطانه بكل ماوتيت من قوة وينك ياكلبه وحشتييييييييني......سلطانة:والله وانتي اكثر ياقلبي بس تعرفين الاشغال وانتي لاتدقين ولا تسالين......عبير:والله عارفه اني مقصرة معاك اي وش اخبارك؟؟؟.....سلطانه تماام وانتبهت للرجل اللي واقف بعيد شوي عنهم ولاحظت انه نفس الولد اللي كان قاعد مع البنات.....سلطانه تقول لعبير:عبور مين هذاك اللي كان قاعد معكم؟؟؟......عبير:هذاك تركي ولد عمي مزيون صح؟؟؟.....سلطانه وهي تضرب عبير من كتفهابخفه:وجع انا موب قصدي كذا بس عشان هو واقف هناك واكيد يبي يقعد عشان كذا يلا انا استاذن.....عبير تركي تعال مافي اخد غريب....سلطانه:عبووور روقي انا رايحه سطوم ينتظرني هناك وهي تاشر على مكانه عبير لفت للمكان اللي تاشر عليه سلطانة وعلقت عيونها على الشخص اللي يشرب كابتشينو ويناظر فيها وغمز........عبير وجهها صار طماطم ولفت لسلطانه وقالت:والله من زمان عنك.....سلطانه:وانتي والله يلا انا ابي اروح مع السلامه......عبير:مع السلامه ولاتقطعين.....سلطانه:ان شاء الله ولفت على البنات وقالت:تشآآآآو صبايا والكل قال:تشآآآو....قعدت عبير وسلطانه راحت عند اخوها وقعدوا يسولفون في هذي الاثناء جا تركي وقعد جنب عبير وقال لها بهمس:عبور مين هالبنت اللي معك؟؟؟.....عبير وتناظر فيه بنص عين:ليش عجبتك وغمزت له......تركي:اقول انتي ووجهك ليش تناديني والبنت ماراحت.....عبير:عادي تتعرفون....تركي:اقول اقلبي وجهك.....


صحيت من النوم على صوت اختها ريم وهي تقول:اقول قومي ماكفاك نوم.....رهف وهي تقلب وجهها على الناحية الثانيه:ريـــــــــــم اطلعي وقفلي الباب.....ريم عصبت وسحبت اللحاف من فوقها وتقول:اخواتك طلعوا وانتي هنا نايمه.....رهف وبكل برود:ادري ومابي اروح ارتحتي.....جات امهم على صوت صراخهم وقالت:وش فيكم اصواتكم واصله لاخر الحارة.....ريم:شوفيها يمه الساعه صارت 11 وهي الى الان ماصحيت مايصير كذا......رهف:وانتي وش دخلك اصحى متى ماصحى ليكون حاطينك مراقبه عامه علي......ام ريم:بنت بلا قله ادب هذي اختك الكبيرة احترميها وانتي ياريم طلعي وخليها تنام.....ريم عصبت لان امها كسرت كلمتها وطلعت متجهه لغرفتها....طلعت امها وقفلت الباب وراها ورجعت رهف نامت من اول وجديد.....


نزلت تحت المطبخ تبغى تدور لها لقمه تاكلها لانها مرة جوعانه فتحت الثلاجه ولقيت لها عصير وباقي معكرونه من الغدآآآ وحمته في المايك رويف ودق تليفون البيت وهي تنتظر المعكرونه متى تخلص....راحت ركض ورفعت الساعه وقالت:الــــــــو..../......:ياهلا بالهالصوت وراعيته صوت يرد الروح الله لايحرمني منك.....اماني وبحده:صدق انك قليل ادب وماتربيت..../.....:ليش ليش ياقلبي كل هالصراخ مايصير ترى ازعل....اماني وبنفس الاسلوب:بالطقاق اللي يطقك انت واشكالك وقفلت السماعه بدون ماتسمع الرد واتذكرت المعكرونه بالمايك رويف ونطت بسرعه تبي تلحق عليها لانها من جد جوعآآآآآنه......راحت لقيتها حآآآآآآآآآآرة حتى هي موب قادرة تشيل الصحن.....اماني:سونارتي تعالي شيلي هذا مرة حآآآآآآآآآر......سونارتي:هاضر ماما(حاضر ماما)......اماني:ماما يامال الملوي ان شاء الله كبرتيني 20 سنه عن عمري......سونارتي شالت الصحن وحطته على الطاولة وقعدت اماني تاكل ومشغول بالها ياترى مين اللي يدق علي وله كم يوم مزعجني تافففففففت وطفشت من كثر التفكير خلصت اكل وقامت لغرفتها.......


رجعوا للبيت تعبانين بعد المشوار دخلوا الصاله لقوا امهم قاعده تنتظرهم وقالوا بصوت واحد:هآآآآآآآآي مامي.....ام ريم وبحده:لاكان اتاخرتوا شوي شوفوا كم صارت الساعه وانتم توكم داخلين.....البنات:عادي مامي كنا مع تركي ومها موب احد غريب وطلعوا كل وحده على غرفتها ماعدا غادة اللي تبغى تقول لامها عن عزيمه جنى صديقتها راحت وقعدت جنب امها وقالت:مامي احبك وربي......ام ريم فهمت اسلوب بنتها:اخلصي وش تبين.....غاده:صديقتي جنى عازمتني على بيتهم انا وخواتي مامي بليـــــــــز وافقي.....ام ريم:خلاص طيب.....غاده قامت تناطط من الفرحه:ثآآآآآآنكس مامي وباستها على جبينها وطلعت فوق للغرفة وفتحت الباب بقوة لقيت عبير توها منسدحه على السرير وقالت والابتسامه شوي وتشق حلقها قاطعتها عبير قبل ماتبدى الكلام وقالت:عدآآآآآل عدآآآآآآآل قبل مايتقطع حلقك بس.....غادة ناظرت فيها بنص عين وقالت:المهم ماما وافقت اننا بكرة نروح بين جنى......عبير وهي مستغربه:بيت جنى؟؟؟.....قعدت غاده جنبها على حافه السرير وقالت:صح انا ماقلتلكم امس جنى اتصلت وعزمتنا بكرة عندها بالبيت عشان بنت خالتها ريوف......عبير وهي تستلقي على السرير:يصير خير يلا تصبحين على خير.....قامت غادة وقالت:وانتي من اهله وبدلت ونامت.....


بيت سالم(ابو سطام):42 سنه....امل(ام سطام):38سنه.......سطام:عمره 20 سنه وسيم ويحب يتخانق مع اخته سلطانه بس يحبها مررررررة وجذاب يعني لازم تناظرين فيه.....سلطانه(صديقه عبير الروح بالروح):عمرها 18 سنه حبوبه وتحب الوناسه ووسعت الصدر وحلوة بعد.....


دخلت البيت هي وسطام بعد المشوار وراحت على غرفتها على طول ومن التعب غيرت ملابسها ونامت......اما سطام لقى امه بالصاله قعد يسولف معها نص ساعه تقريبا وعقبها استاذن من امه وطلع ينام لانه مرة تعبان.....


اشرقت الشمس واعلنت قدوم يوم جديد...

نزلت من الدرج الساعه 11 الصباح لقيت امها وابوها يسولفون بالصاله ويشربون شاي ضحكت وراحت سلمت على راس ابوها وهي تقول:صباح الخير....واتجهت عشان تسلم على امها..... ردوا الاثنين:صباح النور.....ام سلطان:على وين يابنتي افطري بالاول.....مشاعل وهي متجهه للباب:لا عادي افطر بالمستشفى يلا مع السلامه.....ردوا وبنفس الوقت:مع السلامه....طلعت من البيت وركبت السيارة وقالت للسواق يروح المستشفى وحركت السيارة من امام البيت بعد نص ساعه وصلت للمستشفى وقالت للسواق يجيها اذا دقت عليه تليفون طبعا هو وبدوره هز راسه وحرك السيارة.....دخلت المستشفى ولقيت الترحيب والسلام من الدكاتره والعمال وهي بدورها ابتسمت وردت عليهم السلام توجهت لمكتبها وفصخت العبايه ولبست اللاب كوت(البالطو)وبدأت شغلها كالعاده باستقبال المراجعين ووصف الدواء المناسب لهم.....

تتوقعون مين اتصل على اماني؟؟؟
ووش راح يصادف البنات ببيت جنى؟؟؟
*
*
*
ما حا اكمل الا لما اششووفـ تفــأآآع’ــل :قلب2:

يسلموووووووو